Znojenje je prirodni pokušaj tijela da spusti tjelesnu temperaturu. I dok fizički napor kao i boravak u toplom prostoru uzrokuju pojačano znojenje, ono se neretko manifestuje i u situacijama poput stresa i napetosti.
Mi smo za vas izdvojili 4 prirodna saveznika u borbi protiv znojenja, koja će nam u mnogome olakšati predstojeće ljetnje dane:
1. Jabukovo sirće
Jabukovo sirće djeluje kao prirodni dezodorans jer uništava bakterije. Dovoljno je da jednom dnevno njime prebrišete pazuhe. Suv tufer natopite mješavinom jabukovog sirćeta i vode u odnosu 2:1, pa prebrišite površine tijela na kojima se učestalo i jako znojite. Postupak ponovite svako veče pred spavanje.
2. Soda bikarbona
S obzirom na njeno pakovanje, možete je uvijek imati kod sebe, pa je ona najčešći i najefikasniji saborac u borbi protiv znojenja. Dodajte prstohvat sode bikarbone u malo vode ili na vlažne prste i nanesite ispod pazuha. Istrlajte kožu, ostavite da se osuši i papirnom maramicom uklonite ostatak praška.
3. Crni čaj
Tanin, kojim crni čaj obiluje, sadrži kiselinu koja djeluje kao prirodni antiperspirant. Na taj način utiče na žlijezde i smanjuje preterano znojenje. Skuvajte pola šoljice vode i u nju dodajte crni čaj. Nakon jednog minuta izvadite vrećice i odložite ih na tacnicu da se ohlade. Stavite vrećice ispod pazuha ili na područje na kom je znojenje pojačano, ostavite da deluje 5 minuta pa ih uklonite.
4. Limun
Limun se dosta dugo, kroz istoriju koristio za kontrolisanje tjelesnih mirisa, pa i protiv pojačanog znojenja. Citrična kiselina ubija bakterije, pa limun djeluje kao prirodni dezodorans, ali nakon tretiranja kože limunom trebalo bi izbjegvati odlazak na sunce.
Limun isjecite na pola i polovinom istrljajte pazuhe. Ostavite da djeluje 15 do 30 minuta pa isperite kožu hladnijom vodom.
